Kryetari i Partisë Demokratike Sali Berisha ka dhënë një deklaratë të shkurtër për mediat pak minuta pasi kreu i grupit të PD-së, Enkelejd Alibeaj thirri një mbledhje me deputetët për të vendosur nëse do të propozojnë një emër për President në raundin e tretë.
Nga selia blu, Berisha përsëriti akuzat se Alibeaj po përdoret nga kryeministri Edi Rama duke thënë se ai nuk ka asnjë tagër për të negociuar për Presidentin, proces të cilin Rithemelimi ka zgjedhur ta bojkotojë.
“Përveç autoritetit që i jep Rama, Alibeaj nuk ka asnjë autoritet dhe tagër nga PD. Çdo veprim i tij është sinkronizim i një farse të shpifur të zgjedhjes së Presidentit nga Edi Rama për të kapur opozitën. Dua të dënoj me ashpërsinë më të madhe pikëpamjen e Edi Ramës, të konsiderimit të emigracionit dhe diasporës si një zonë e veçantë elektorale”, u shpreh Berisha.
Discussion about this post