Nënkryetari i PD, Enkelejd Alibeaj, këmbëngul se ishin Berisha dhe mbështetësit e tij ata që dhunuan demokratët në PD. Përmes një postimi në Facebook ai publikon një video ku duket Berisha, i cili thotë në një intervistë televizive se Basha do të përballet me dhunë, madje do derdhet gjak nëse nuk larohet nga PD.
“Ai që e nxiti, paralajmëroi dhe planifikoi dhunën kundër PD është Sali Bërisha. Me zë dhe le figurë. Ai dhe mercenarët e tij e lajmëruan publikisht se kundër demokrateve do te përdorej dhunë, madje mund te derdhej edhe gjak. Gjuha e urrejtjes se Sali Berishës solli dhunën në shtëpinë e gjithë demokratëve në 8 janar. Por, demokratet e kuptuan atë qarte, prandaj e dhe braktisën Berishën dhe bandën e tij që donte gjakderdhje”, shkruan Alibeja.
PD ka denoncuar Sali Berishën dhe mbështetësit e tij për dhunën që ndodhi në protestën e 8 janarit, për këtë gjë ish-kryeministri dhe demokrati Flamur Noka kanë shkuar të dëshmojnë sot në prokurori.
Discussion about this post