Alibeaj thirrje SPAK-ut: Të hetohet Rama, Berisha dhe Meta

Fushata elektorale është futur në zonën e nxehtë dhe sulmet ndaj kundërshtarëve politik janë të tilla

Në një takim me qytetarë të Tiranës, kryetari i komanduar i Partisë Demokratike i kërkoi SPAK të hetojë tre politikanët, të cilët kanë dominuar skenën politike vitet e fundit.

Ai shtoi se halli i Edi Ramës, Sali Berishës dhe Ilir Metës është burgu.

“Këta të tre duke filluar nga Rama. Halli më i madh që kanë është, cili ministër po më shkon në burg ketë jave. I ka 2 ministra në burg, i ka dhe 2 deputetë në burg. Të njëjtin hall e ka dhe Sali Berisha. Të njëjtin hall e ka dhe Ilir Metaj.

Po çfarë oferte është kjo për shqiptarët. Kush më shumë nga këta të tre frekuenton SPAK. Frekuenton drejtësinë. Kjo është çështje e drejtësisë. Të merret drejtësia një orë e më parë“- tha Alibeaj.