Liverpooli i këtij sezoni nuk ka aspak lidhje me skuadrën që i bëri të gjithë për vete gjatë viteve të fundit. The Reds po hasen me vështirësi të shumta në Premier League.
Kualifikimi në Champions League për sezonin e ardhshëm, është kthyer në një mision shumë të vështirë. Ndërkohë, Liverpooli mori një pikë përballë Chelsea, edhe falës ndihmës së VAR-it.
Teknologjia anuloi dy gola të vendasve në “Stamford Bridge”, ndërkohë që nuk mungoi tensioni midis Alisson Becker dhe kapitenit Jordan Henderson. Grindje të cilën portieri brazilian e shpjegoi në këtë mënyrë:
“Unë dhe Jordani jemi dy persona që luftojmë dhe japim jetën për Liverpoolin. Dhe në fushë nuk mund të jemi aq të mirë e të sjellshëm. Ne jemi burra që përpiqemi t’i bëjmë gjërat siç duhet për të ndihmuar ekipin.
Të bësh këtë gjë, këtë sezon është e vështirë, një sfidë e madhe. Ne jemi qenie njerëzore dhe kemi ndjenja si kushdo tjetër. Acarohemi kur ndodh diçka e keqe dhe na bëhet zemra mal kur gjërat shkojnë mirë”, u shpreh portieri i Liverpoolit dhe Kombëtares braziliane Alisson Becker.
Ndeshja e radhës e “The Reds” është takimi tejet delikat përballë Arsenalit kryesues. Kjo është një sfidë ku gabimi më i vogël mund të bëjë diferencën.
Discussion about this post