Në takimin elektoral në Librazhd drejtuesi politik i qarkut të Elbasanit Tomorr Alizoti u bëri thirrje bandave të krimit që të mos guxojnë të kërcënojnë qytetarët dhe të shkojnë nëpër shtëpitë e tyre për tu marrë votën.
Alizoti paralajmëroi se PD nuk do lejojë që maskarenjtë të prekin votën e banorëve të këtij qarku, por do të jetë një gardiane e saj
“Ju që doni të shkatërroni Shqipërinë, ju analfabetë, ju maskarenj , do ju hamë të gjallë”, u shpreh ai.
Alizoti iu drejtua duke thënë që të mos guxojnë të shkojnë natën nëpër shtëpitë e banorëve, ndërsa i kaloi fjalën Sali Berishës duke u shprehur “doktor, jepi se ty të kanë më shumë frikë”.
“Më vjen mirë që Librazhdi e Prrenjasi është në shesh dhe ka vrarë frikën. Çdo e vërtetë ka nevojë për guximtarë. PD është e guximtarëve. Një mesazh për ju që jeni jashtë e cepave. Shkoni nëpër shtëpia për tju marrë votat. Mos harroni se ju kemi mundur, baballarët tuaj që kishin tanke, ushtri, Do ju hamë të gjallë! Nëse prekni demokratët e veni mina, nuk do tju ndahemi kudo që të jeni.
Ju që doni të shkatërroni Shqipërinë! Ju analfabetë, ju maskarenj. Do tju hamë të gjallë. Mos guxoni tju shkoni njerëzve nëpër shtëpia natën. Mos guxoni të fusni duart ditën e zgjedhjeve sepse liria e njerëzve është e shenjtë. PD është themeluar nga njerëzit e lirë. Doktor jepi sepse ty të kanë më shumë frikë” tha Tomor Alizoti.
Discussion about this post