Deputeti demokrat Tomorr Alizoti duke komentuar situatën e tensionuar në veri të Kosovës, than ë studion e emisionit “Opinion” se Serbia ka pasur një plan të hershëm për ta zhbërë Kosovën duke përdorur marrëdhëniet me Shqipërinë.
Referuar kohës kur ka qenë diplomat në Gjermani, Alizoti tha se ka dëgjuar dhe lexuar mbi planin e Serbisë që ka synuar që të zhbëjë Kosovën duke pasur partneritet direkt me Shqipërinë.
“Ka dy elemente që me dashje, pa dashje, dëmton situatën tonë. Një, Serbia ka pasur plan të saj, që kur kam qenë diplomat në Gjermani e kam dëgjuar dhe lexuar, që të ketë partneritet rreth Kosovës direkt me Shqipërinë, të zhbëjë Kosovën. E dyta, qëndrimi i Shqipërisë, i Kryeministrit aktual bashkë me Vuçiçin, jep perceptimin ndërkombëtar që njeriu destruktiv sot në këtë marrëdhënie është Kurti dhe jo Vuçiçi”, u shpreh Alizoti.
Alizoti u shpreh se Kryeministri shqiptar Edi Rama do duhej që të koordinohej më shumë me shqiptarët në rajon.
Discussion about this post