Deputeti demokrat Tomorr Alizoti ka akuzuar pushtetin lokal në Berat dhe atë qëndror në Tiranë, i përfaqësuar nga ministri i Brendshëm, Bledi Çuçi, se po përdorin çakullin e bitumin elektoral por edhe forcën e policisë, për te deformaur votën.
Si drejtues politik i qarkut për demokratët, Alizoti tha për SyriTV se analizat dhe sondazhet, edhe të PS nxjerrin fitues kandidatin opozitar të “Bashkë Fitojmë”, Zija Ismaili.
“Berati është pranë fitores, jo me këtë sloganin që të bindim ndjekësit por në realitet është shumë pranë fitores kjo edhe nga sondazhet e bëra nga njerëz pranë PS. Kjo i ka bërë që ata të përdorin hile dhe të shtrojnë bitum pa asnjë tabele punimesh por natën në shi”, tha Alizoti.
Referuar rastit të mbrëmjes së djeshme në fshatin Velabisht, ku fadromat e “Shkëlqimi 07”, u kapën duke hedhur asfalt elektoral në një rrugë ku nuk ishte investuar prej vitesh nga bashkia, Alizoti tha se banorët e irrituar ishin ata që denoncuan rastin.
“Ne e kemi kapur këtë moment të asfaltit elektoral me video, banorët janë irrituar se kanë kuptuar se nëse je me mijëra ditë në bashki dhe kujtohesh të bësh diçka tani në këtë kohë fushate është shumë banale. Këto lloj gjërash të shumtuara ndodhin vetëm në vendin tonë duke hedhur çakull dhe bitum mund të mashtrojnë dhe të sigurojnë vota.
Nese një nga kandidatët të cilët prezantojnë punët dhe zgjidhjet për problemet dhe e meriton këtë fitore kushdo të jetë nuk ka asnjë problem le të fitojë por jo të përdoren të tillë banalitete si kjo me firma fantazma pa asnjë kriter të kryejnë punime në pasuri publike si janë rrugët”, nënvizoi ai.
Më tej, Alizoi theksoi se fakti që forcat “Shqiponja” ndoqën rastin e djeshëm, tregon se policia është në shërbim të pushtetit sepse pushteti ka shkatërruar shtetin.
Alizoti ëstë shprehur se punët elektorale të bërë në bashkinë e Beratit janë banalitete sepse kur ke pasur në dispozicion 4 vite dhe nuk ke bërë atë që e bën brenda natës duhet të largohesh dhe të mos bësh njerëzit për budallenj.
Discussion about this post