Produkt i Ajax-it, mesfushori sulmues fitoi dy tituj të Eredivisie me “Harkëtarët” dhe ishte një hap larg gjysmëfinaleve të Champions League në sezonin 2002/2003, kur ishte koleg, ndër të tjera, me Zlatan Ibrahimovic.
Van der Mejde më pas nënshkroi për Interin, por ajo që dukej si transferimi i karrierës së tij ishte fillimi i fundit. Problemet me alkoolin nisën në Milano, e cila vazhdoi te Everton dhe në vitin 2010 u tërhoq nga PSV, kur ishte vetëm 30 vjeç.
Ndërkohë, varësitë e ish-holandezit ishin përkeqësuar. Filloi të përdorë drogë dhe trishtimin ta mbyste në kumar. Gjithçka arriti kulmin kur ai u nda nga gruaja e tij, pasi ajo punësoi një detektiv privat, i cili zbuloi se Andy van der Meyde kishte një lidhje.
Vitet e fundit jeta e ish-futbollistit mori një rrjedhë normale. Ai u pajtua me ish-bashkëshorten, ka një marrëdhënie të shkëlqyer me fëmijët e tij dhe është drejtuesi i një emisioni on-line, ku interviston të ftuarit e tij gjatë drejtimit të makinës.
Megjithatë, Andy van der Mejde është i panjohur 13 vjet pasi ka varur këpucët e tij të futbollit. 12.5 milionë euro ishte pjesa më e lartë e holandezit në treg në vitin 2004, sipas “Transfermarkt”.
“Anglezët më dhanë dyfishin e rrogës së Interit, rreth 40 mijë euro në javë! Por unë tashmë kisha filluar të pija, se nuk po luaja. Në Milano nuk më dhanë asnjë shans, pastaj në Angli u dëmtova dhe kalova në depression, fillova të pija dhe të luaja kumar.
Bleva një Ferrari dhe më pas shkoja shpesh në klube striptizmi. Nuk ishte shumë e mençur ta bëja këtë në qendër të qytetit të Liverpoolit, veçanërisht kur bëra stërvitje të nesërmen”,- ka rrëfyer ish-futbollisti.
“Po merrja kokainë dhe pija alkool shtatë nga shtatë ditë. Nuk mund të përqendrohesha më në futboll. Liverpooli ishte bërë një qytet i rrezikshëm. Pija rrjedh dhe mund të shtriheshe mbi kokainë,” zbuloi holandezi disa vite më parë.
Discussion about this post