Juventus sfidon nesër në mbrëmje skuadrën e Malmo në ligën e kampionëve. Bardhezinjtë po kalojnë një moment shumë të vështirë ndërsa trajneri Masimiliano Allegri ka theksuar se skuadra do të rikthehet në formën maksimale pas një muaji.
“Është një ndeshje e rëndësishme, unë jam edhe pak i ngazëllyer pasi rikthehem në Ligën e Kampionëve pas dy vjetësh. Ne e dimë se është një ndeshje e vështirë, sepse ata janë një ekip fizik. Pas ndeshjen së nesërme do të mendojmë për kampionatin, do të duhet pak kohë, por do ta rregullojmë.
Para së gjithash ne duhet të qëndrojmë të qetë, sepse në çdo rast kemi bërë disa ndeshje të mira herë pas here, por kemi paguar një çmim të lartë për gabimet individuale që për fat të keq ndodh gjatë sezonit. Ka ndodhur, por ne kemi për t’i rregulluar gabimet tona. Duhet thënë se nëse do të kishim 7 ose 9 pikë nuk do ta kishim vrarë kampionatin, sidoqoftë ky vit do të jetë një kampionat i balancuar, nuk do të ketë skuadër që do ta dominojë. Ne duhet të përpiqemi të kthehemi në pozitat e larta brenda një muaji, një muaji e gjysmë”, tha trajneri i skuadrës së Juventusit, Masimiliano Allegri.
