Pas skandalit që u publikua për të dhe kërkesës për arrest nga SPAK, deputeti Alqi Bllako ka dhënë dje dorëheqjen. Sipas informacioneve, vendin e tij do ta zërë Pandeli Majko Alqi Bllako u zgjodh deputet në 25 Prill nga lista e qarkut të Tiranës. Ai ishte renditur i 17-ti në listë, ndërkohë që PS-ja fitoi 18 deputetë në këtë qark. Majko ishte i 19-ti në listë pa mundur ta marrë mandatin dhe tashmë radha i lirohet pas ikjes së Bllakos.
Për herë të parë pas 30 vitesh si pjesë e Partisë Socialiste, Pandeli Majko nuk mundi të fitonte deputetin në zgjedhjet parlamentare të 25 Prillit. I bindur se PS-ja do të merrte 20 mandate në Qarkun e Tiranës, i renditur vet i 19-i, Pandeli Majko fajësoi një vit më parë sistemin elektoral, ndoshta edhe më të drejtë sa kohë që në Kuvend u fut edhe djali i Aqif Rakipit, Orlando, pa asnjë eksperiencë politike dhe vetë ai “veterani’ i PS-së mbeti jashtë saj.
Mori mbi 8 mijë vota, por nuk theu dot herësin për Tiranën.
Pas 25 prillit, ai mbajti një profil të ulët dhe u rishfaq në media për atë që ka qejf të flasë më shumë, Kosovën, lëshoi disa thumba për “Ballkanin e Hapur” dhe foli më së shumti për luftën në Ukrainë.
Me rifillimin e garës për postin e Presidentit, hapur zyrtarisht nga PS-ja një ditë më parë, Pandeli Majko, renditet ndër emrat e parë të përfolur në tavolina dhe rreth deputetësh për postin e Presidentit apo thënë ndryshe pasuesin e Ilir Metës, për të cilin fillimisht Majko nuk firmosi për ta shkarkuar, por në fund bashkoi votat në votimin e fundit të tij si deputet. Qysh prej atëherë, dhe largimit të zhurmshëm të tij nga lista e deputetëve të PS-së, Pandeli Majko heshti. Për t’ju kthyer një shansi të dytë; Në mandatin e shtatë si deputet, pasojë e një vendimi jo komod për të zëvendësuar kolegun e tij Alqi Bllako ndaj të cilit është lëshuar një urdhër-arrest nga SPAK
Discussion about this post