SPAK ankimoi vendimin për lirimin e ish-deputetit Alqi Bllako, duke kërkuar rikthimin e tij në qeli. Ndërkohë, mësohet se Gjykata e Posaçme e Apelit për Korrupsionin dhe Krimin e Organizuar ka regjistruar çështjen në fjalë. Mësohet se seanca gjyqësore në GJKKO është caktuar që të mbahet më datë 9 nëntor, në orën 09:00.
Gjykata vendosi më 6 tetor caktimin e masës ‘Arrest shtëpie’ për Bllakon, i cili ishte pas hekurave pas akuzave për inceneratorin e Fierit.
Lexo edhe: Alqi Bllako doli nga qelia, GJKKO regjistron ankimimin e SPAK
Bllako nga qelia e burgut kërkoi disa herë ndryshimin e masës. Ai pretendon se nuk ekzistojnë kushtet ligjore për një masë sigurie ekstreme si ajo e ‘arrestit me burg’. Ish-deputeti socialist u akuzua si i përfshirë në aferën e inceneratorit të Fierit. Bllako akuzohet nga SPAK për shpërdorim detyre dhe korrupsion.
NJOFTIMI I GJKKO
Gjykata e Posaçme e Apelit për Korrupsionin dhe Krimin e Organizuar ka regjistruar çështjen nr. 180 akti, datë 04.11.2022. Në ngarkim të personit nën hetim ish-deputetin Alqi Bllako, mbi ankimin e paraqitur nga Prokuroria e Posaçme kundër Korrupsionit dhe Krimit të Organizuar kundër vendimit nr. 382, datë 06.10.2022 të Gjykatës së Posaçme të Shkallës së Parë për Korrupsionin dhe Krimin e Organizuar.
Trupi gjykues monokratik i përbërë nga gjyqtarja Iliriana Olldashi caktoi seancën gjyqësore për shqyrtimin e kësaj çështje më 09.11.2022, ora 09:00.
Discussion about this post