Ambasada e ShBA ka zhvilluar sot një tryezë diskutimi në lidhje me Reformën në Drejtësi dhe ndihmën që Shba është duke dhënë në këtë process. Nëpërmjet një postimi ata kanë rikonfirmuar edhe njëherë mbështetjen e plotë të SHBA në përmirësimin e kësaj reforme dhe arritjen e plotë të saj.
Në ambientet e Ambasadës së SHBA në Tiranë është majtur këtë të enjte një tryezë diskutimi në lidhje me reformën e drejtësisë në vend dhe sfidat që hasen gjatë kësij procesi.
Ambasada Amerikane ka shkruar se kjo tryezë ka shërbyer si një mënyrë e mirë për të shpalosur rëndësinë që ka reforma në drejtësi për vendin tonë dhe çfarë roli luan ShBA në këtë proces. Ata kanë folur dhe për krijimin në të ardhmen të një delegacioni përfaqësues të Komitetit të Punëve të Jashtme të Senatit të SHBA.
Ambasada e ShBA shprehet gjithashtu se e kuptojnë fare mirë se ky proces nuk është i lehtë apo i përsosur, por ai është duke përparuar dhe me ndihmën e ShBA do përpiqen të sjellin drejtësinë për popullin shqiptar.
Postimi i Ambasadës së SHBA në Tiranë:
Ambasada e SHBA në Tiranë priti me kënaqësi një tryezë diskutimi me “Miqtë e Drejtësisë” mbi sukseset dhe sfidat e procesit transformues dhe unik të reformës në drejtësi në Shqipëri. Anëtarët e institucioneve të rindërtuara dhe të rinovuara të drejtësisë në Shqipëri ndanë pikëpamjet e tyre mbi rëndësinë e reformës në drejtësi dhe vizionin e tyre për të ardhmen, me një delegacion përfaqësues të Komitetit të Punëve të Jashtme të Senatit të SHBA. Shtetet e Bashkuara do të vazhdojnë të mbështesin Shqipërinë përmes procesit të reformës në drejtësi. Siç ka deklaruar Ambasadorja Kim, procesi nuk është i lehtë, i shpejtë apo i përsosur, por ai po përparon çdo ditë në përpjekjet e tij për të sjellë drejtësi për popullin shqiptar.
