Prej mëngjesit të djeshëm Rusia ka nisur sulmin ushtarak ndaj Ukrainës. Të shumta janë reagimet lidhur me këtë luftë nga ana e figurave politike dhe jo vetëm.
Së fundmi Ambasada e Shteteve të Bashkuara të Amerikës në Tiranë është “veshur” mbrëmjen e sotme me ngjyrat e flamurit të Ukrainës në shenjë solidariteti.
“Ne qëndrojmë me Ukrainën”, thuhet në postimin e ambasadës së SHBA. Ndërkaq ambasada ruse në Tiranë ka shpërdarë në rrjetet sociale mesazhin e zëdhënëses së Ministrisë së Jashtme, ruse Maria Zakharova.
Zakharova shprehet se qëllimi i operacionit të Rusisë në Donbass është mbrojtja e popullsisë civile, e cila sipas saj, përgjatë 8 viteve i është nënshtruar poshtërimeve dhe gjenocidit nga ana e regjimit të Kievit.
“Qëllimi i operacionit ushtarak të Rusisë në Donbas është mbrojtja e popullsisë civile, e cila përgjatë tetë viteve i është nënshtruar poshtërimeve dhe gjenocidit nga ana e regjimit të Kievit. Një detyrë tjetër e operacionit është të sjellë regjimin marionetë përpara përgjegjësisë për krimet e kryera gjatë këtyre viteve kundër civilëve, përfshirë qytetarët e Federatës Ruse, si edhe të realizojë demilitarizimin e denazifikimin e Ukrainës”, thuhet në deklaratë.
Discussion about this post