Ambasada gjermane në Tiranë ka bërë me dije ditën e sotme në një njoftim zyrtar, që të gjithë të interesuarit nga rradhët e personelit mjekësor, të cilët duan të punësohen në shtetin gjerman, duke nisur nga data data 1 janar e vitit 2022 do të munden të kryejnë aplikimet e tyre vetëm përmes certifikatës që dëshmon njohuritë në nivelin B1 të gjermanishtes.
“Ambasada Gjermane bёn me dije: Nga data 01.01.2022, Ambasada e Tiranёs do tё pranojё pёr kategorinё e personelit tё infermierisё pёr “Ndihmёs Infermier” vetёm aplikime me certifikatё tё njohur tё gjuhёs Gjermane Niveli B1.”, thuhet në njoftim.
Sipas ambasadës ky ndryshim vjen si pasojë e zbatimit të udhëzimeve të Ministrisё sё Jashtme Federale, teksa thekson se kërkesat e tjera mbeten ende në fuqi.
“Kёshtu, Ambasada po zbaton udhёzimet e Ministrisё sё Jashtme Federale. Tё gjitha kёrkesat e tjera mbeten nё fuqi dhe mund tё gjenden nё fletёn tonё tё informacionit” mbyllet njoftimi.
Gjermania prej disa vitesh është kthyer në destinacionin e shumë mjekëve dhe infermierëve shqiptarë, të cilët zgjedhin këtë shtet për të ushtruar profesionin e tyre.
Discussion about this post