Presidenti turk Rexhep Taip Erdogan ka tërhequr deklaratën e tij e dhënë në fundjavë, për shpalljen non grata të 10 ambasadorëve perëndimor.
Erdogan theksoi se ambasadorët janë tërhequr nga qëndrimet e tyre dhe në të ardhmen do të jenë më të kujdesshëm duke nënkuptuar tërheqjen e vendimit të tij.
Dhjetë ambasadorë perëndimorë do të shpalleshin persona të padëshiruar nga protestat kundër deklaratës së tyre të solidaritetit me sipërmarrësin dhe mbështetësin e kulturës Osman Kavala, që mbahet në burg. Me shpalljen e person non grata zakonisht pason dëbimi i personave nga vendi. Të prekur nga ky qëndrim ishin ndër të tjerë ambasadori gjerman Jürgen Schulz dhe kolegët e tij nga Franca, SHBA-ja dhe shtatë vende të tjera. 64-vjeçari Kavala ndodhet në arrest hetimor në Stamboll që nga viti 2017, ndonëse Gjykata Europiane e të Drejtave të Njeriut ka udhëzuar më 2019 lirimin e tij. Kavala është gjithashtu themeluesi i degës turke të fondacionit Shoqëria e Hapur të filantropit nga SHBA George Soros, i cili është në shënjestër prej shumë populistëve.
