Apelin e zyrtarit amerikan Nicholas Giacobbe për uljen e tensioneve mes Kosovës dhe Serbisë e ka mbështetur edhe ambasadori gjerman në Kosovë Jorn Rohde.
Me anë të një statusi në rrjetet sociale Jorn Rohde shkruan se i bashkohet thirrjes së SHBA se duhen marrë hapa të menjëhershëm për të vendosur paqen në pjesën veriore të Republikës së Kosovës.
Giacobbe tha gjatë ditës së sotme se në këtë takim kanë diskutuar për rëndësinë e dialogut të ndërmjetësuar nga Bashkimi Evropian për të zgjidhur çështjen e targave dhe për çështjet tjera.
“Veprimet mund të kenë pasoja të padëshiruara që ndikojnë negativisht në jetën e përditshme të qytetarëve”, ka shtuar zyrtari.
Më herët kryeministri i Kosovës, Albin Kurti ka folur rreth vendosjes së reciprocitetit ndaj targave të Serbisë.
Në Twitter ka shkruar se vendimi i Qeverisë së Kosovës nuk është një provokim për serbët lokalë.
