Pas vendimit të Ministrisë së Arsimit që mësuesit do të fillonin punën që më 1 shtator, ndryshe nga nxënësit që pjesëmarrjen e kishin me dëshirë, ata janë të paqartë për pagën.
Ministrja e Arsimit njoftoi se mësuesit që do të zhvillojnë temat e përsëritjes gjatë kësaj periudhe do të paguhen me orë shtesë, arsimtarët shprehen se janë të paqartë se si do të paguhen, teksa ky proces është drejt fundit.
Në një intervistë për mediat, përgjegjësi i statistikës pranë drejtorisë së përgjithshme arsimore parauniversitare sqaron mënyrën e llogaritjes së orëve suplementare.
“Drejtori i shkollës në bashkëpunim me drejtorin e zyrës vendore arsimore do të shikojnë se sa orë mësimi ka zhvilluar secili mësues dhe me sa nxënës në klasë e në varësi të saj do të llogaritet” – ka thënë ai.
Por edhe pse kjo përllogaritje do të duhej të ishte bërë që në fillim, para se mësuesit të fillonin punën, pasi tani që po mbarojnë ditët, ministria ka vendosur që të përllogaritet në këtë mënyrë, pra duke u bazuar në orët e mësimit dhe në numrin e nxënësve.
Kjo duket si një “reng” ndaj mësuesve, pasi ata nuk do të paguhen me pagë të plotë por i bie të marrë më pak.
