Ambasadori i SHBA-së në Beograd, Anthony Godfrey ka theksuar se vijmësia e dialogut Kosovë-Serbi dhe forcimi i paqes dhe prosperitetit në rajon është në dorën e lidërve të dy vendeve. Sipas tij zyrtarët serb dhe ato të Kosovës duhet të ndërmarrin hapa të vështirë, por të guximshëm për të siguruar paqen që rajoni meriton. Godfrey shtoi se SHBA-ja inkurajon dy vendet në normalizimin e marrëdhënies mes tyre.
“Ëashingtoni vazhdon të bëjë gjithçka që mundet për ta inkurajuar dhe mbështetur normalizimin e plotë të marrëdhënieve midis Beogradit dhe Prishtinës dhe njohjen përfundimtare reciproke”, tha Godfrey.
Godfrey ka folur dhe lidhur me personat ‘non-grata’ që SHBA mund të shpallë në Ballkanin Perëndimor, gjë për të cilën ka thënë se SHBA e sheh korrupsionin si kërcënim kritik për paqen dhe zhvillimin ekonomik në Ballkanin Perëndimor dhe se sanksionet kundër kompanive dhe individëve të korruptuar.
Lidhur me Christopher Hill, ambasadori i ri i SHBA-së që pritet të vijë në Serbi, Godfrey tha se ende nuk ka një datë lidhur me ardhjen e tij, por gjithçka mund të thotë është se ai mezi po pret marrjen e detyrës.
Discussion about this post