Deputeti i Lëvizjes Vetëvendosje, njëherësh anëtar i Komisionit për Siguri, Enver Dugolli ka thënë se vizita e kryeministrit Kurti në SHBA ka qenë shumë e suksesshme.
Dugolli në “Debat Plus” në RTV Dukagjini ka thënë se frytet e vizitës së Kurtit në SHBA po shihen menjëherë.
“Investimet dhe siguria janë dy çështje për të cilat Kosova ka shumë nevojë. Investimet priten të vijnë, por nuk janë fryte që shihen menjëherë. Për siguri po e përmendi vetëm një element. Me datë 27 të këtij muaji, ambasadorja e SHBA në NATO deklaroi: “Pas vizitës së Kurtit në SHBA, Shtetet e Bashkuara mbështesin planin e Kosovës për anëtarësim në NATO gjegjësisht Partneritetin për Paqe me NATO-n”. Ky është refleksion e menjëhershëm i vizitës së Kurtit në SHBA”.
Dugolli thotë se nuk është e rastësishme se deklarata e ambasadores amerikane në NATO ka ardhur pas vizitës së Kurtit në Amerikë.
Zëvendësministri i Mbrojtjes thotë se edhe me abstenim nga disa shtetet mos njohëse, Kosova nuk do të këtë problem të anëtarësohet në NATO.
Discussion about this post