Kryetari i Asociacionit të Gazetarëve të Kosovës, Xhemajl Rexha ka publikuar pamjet e një ambulance që po qëndron pranë vendit ku po mbahet takimi mes krerëve të Kosovës e Serbisë.
Mesa duket, autoritetet mikpritëse kanë vendosur që të jenë gati për çdo gjë.
Ndërmjetësuesit evropianë, Mirsolav Lajçak dhe Josep Borell mbajtën sot një takim fillimisht me presidentin serb, Aleksandër Vuçiç. Më pas, ata takuan kryeministrin e Kosovës, Albin Kurti, takime këto që zgjatën të dyja rreth nga një orë.
Më pas përfaqësuesit e lartë të BE-së kanë zhvilluar takimin e përbashkët me dy liderët. Nuk dihet ende se çfarë është diskutuar pasi asnjëra nga palët nuk është deklaruar zyrtarisht për mediat, megjithatë, më herët u konfirmua se do të diskutohej rreth planit të zbatimit të propozimit evropian, të cilin liderët u dakordërsuan parimisht në takimin e 27 shkurtit në Bruksel.
Marrëveshja përfundimtare që synon të arrihet është normalizimi i marrëdhënieve mes dy vendeve.
Much later than anticipated, the Kurti – Vucic – Borell – Lajcak meeting has just started. The set up is all ready, just in case. #Kosovo #Serbia pic.twitter.com/Pml7d1T2ah
— Xhemajl Rexha (@xhemajl_rexha) March 18, 2023
Discussion about this post