Eksperti i ekonomisë, Klodian Muço duke analizuar amnistinë fiskale të propozuar nga qeveria, ka bërë me dije se përfitimi i vetëm është përdorimi i parave të saj për shlyerjen e borxhit publik.
I ftuar ditën e sotme në një intervistë për gazetaren Siklajda Shorja ai nënvizoi se këto para për 5 vite do jenë të “vdekura” pasi nuk do të mund të lëvizen nga banka.
“Do mbeten të bllokuara në bankë për 5 vjet, mund të quhen “para të vdekura”. Nuk do injektohen në ekonomi në mënyrë të menjëhershme. Kjo duhet të ishte menduar dhe të bëhet sakrifica e plotë. Efekti në ekonomi do jetë afatshkurtër e shpresën se do gjëndërohen mjaftueshëm para që kjo do na zgjidhte një sërë problematikash si borxhi publik, kemi abuzuar në të kaluarën dhe amnistia është një formë për një zgjidhje”.
Nga ana tjetër, sa i takon çmimit të naftës që në bursa ka një rënie të ndjeshme nuk po reflektohet njësoj në tregun vendas, dhe ai thotë se Bordi e ka mbaruar misionin pasi roli i tij është inekzistent.
“Bordi duhet të kishte pushuar së funksionuar, nuk po bën asgjë. Përkundrazi po dëmton qytetarët. Nëse krahasojmë javën e dy të marsit me sot shikojmë se tregtarët treguan se sa herë ndryshonte nafta në bursë ata reflektonin sepse furnizoheshin çdo 24 orë. Sot shohin që çmimi i naftës reduktohet në bursë por ndërhyrja e Bordit nuk është frekuencë ditore por mblidhet kur sheh të arsyeshme. Ndërhyn me vonesë. Bordi e ka përfunduar misionin e vet. Kemi instrumente të mjaftueshëm për të monitoruar tregtarët”.
Discussion about this post