Vajza e moderatorit aq të dashur për publikun shqiptar, Ardit Gjebrea prezantoi klipin e saj të parë muzikor me këngën që i solli fitoren në “Junior Fest Albania”.
Kënga titullohet “Stan by you”, dhe me të, Anna do të përfaqësojë Shqipërinë në “Eurovision Junior 2021”. Mesazhi që ajo përpiqet të përcjellë me anë të këtij videoklipi është lufta ndaj bullizimit të fëmijëve.
E qeshur dhe plot energji, Anna Gjebrea, tregon talentin e saj, jo vetëm në të kënduar, por edhe me performancën plot bindje përpara kamerës. Duket e lindur për këtë gjë, dhe nuk çuditemi!
Deri më tani, kënga është pritur mjaft mirë nga publiku. Madje, ka nga ata që e kanë cilësuar si fituesen.
