Trajneri i Real Madrid, Carlo Anceloti ka folur para mediave ditën e sotme për eventin më të madh të futbollt spanjoll ‘El Classicon’ që do të mbahet mes Realit dhe Barcelonës në shtëpinë e katalanasve.
“Është normale të jesh pak i frikësuar përpara këtyre ndeshjeve, pasi të jesh i frikësuar mund të jetë mirë”, ka thënë fillimisht Anceloti.
“Nëse nuk keni frikë, atëherë mund të shkoni te një luan duke menduar se është një mace. Pra, frika është një ndjenjë pozitive. Nuk po them se ndihem i tmerruar. Thjesht ka gjëra më të këqija në jetë sesa humbja e një ndeshje futbolli”.
“Nuk do të flas për formacionin para se të flas këtë me lojtarët. Kemi mirëpritur Carvajal dhe Hazard. Është e vështirë të nisësh me një lojtar që sapo është kthyer nga lëndimi, por ajo që është e rëndësishme është që ata janë kthyer dhe mund të paraqiten”.
“Të gjithë lojtarët e dinë se mund të jenë të rëndësishëm. Ata e dinë se mund të bëjnë ndryshim edhe nëse vijnë nga banka rezervë”.
I pyetur për dy përballjet e sezonit të kaluar, tekniku ‘los blancos’ ka shtuar:
“Patjetër që kam shikuar El Clasicot e sezonit të kaluar. Kam marrë informacion nga kjo. Çdo kundërshtar ka karakteristikat e veta. Pa humbur identitetin tonë, ne do të përshtatemi”.
“Ne mund të luajmë ndryshe kundër Barcelonës në krahasim me mënyrën se si luajtëm kundër Shakhtarit, pasi ata janë kundërshtarë të ndryshëm”.
“Nuk ka Messi, por Barcelona ka lojtarë të tjerë shumë të mirë. Ne po përballemi me Barcelonën. Barcelona është përsëri Barcelonë edhe pa Messin, por unë nuk dua që kjo të ndryshojë qasjen tonë ndaj lojës”.
“Ka qenë gjithmonë e vështirë kundër Barcelonës dhe do të jetë gjithmonë”.
“Unë kurrë nuk kam fituar në Camp Nou. Mendoj se tani është koha, por nuk do të jetë e lehtë”, përfundoi Anceloti.
