Trajneri Karlo Anceloti hyri në historinë e Real Madrid duke fituar championsin e 10-të në historinë e spanjollëve. Italiani u rikthye sërish tek skuadra madrilene teksa së fundmi është prononcuar në lidhje me historinë dhe sukseset e kësaj skuadre.
“Real Madrid është klubi më prestigjioz në botë, me më shumë histori dhe me më shumë tifozë. E cilësoj përgjegjësi të madhe të jem trajneri i këtij ekipi.
Reali ka fituar 13 Champions League, si asnjë skuadër tjetër. Suksesi ka ardhur falë vlerave dhe sfidave që e kanë sjellë në këtë nivel të historisë së futbollit.
Kam patur fatin të jem pjesë e këtij klubi vite më parë, teksa po përpiqem ta shijoj në maksimum edhe këtë aventurë.
La Decima ishte diçka që e donin të gjithë te Reali, skuadra ishte e motivuar në maksimum për t’ia dalë. Lojtarët e kanë kërkuar dhe dashur atë titull që nga minuta e parë deri tek e fundit.
E dini sekretin e atij suksesi? Ia dolëm falë atmosferës që ishte krijuar, prej lojtarëve dhe të gjithë pjesëtarëve të tjerë të dhomave të zhveshjes.
Të gjithë ishin të motivuar: stafi, mjekët, të gjithë! Ishte krijuar një ambient i jashtëzakonshëm, të gjithë besonim te fitorja e La Decimas-s”, deklaroi Ancelotti.
Discussion about this post