Te Real Madridi ka pozitivitet, sidomos për momentin e mirë që po përjeton skuadra e Carlo Ancelottit në La Liga, falë katër fitoreve në katër ndeshjet e para.
Skuadra madrilene ka treguar një nivel të lartë në këto javë të para në La Liga, duke konfirmuar kështu strategjinë e hartuar nga Florentino Pérez, José Ángel Sánchez dhe Carlo Ancelotti.
Megjithatë, në klubin mbretëror nuk ka asnjëherë konformizëm, aq më pak pakujdesi, prandaj drejtuesit sportivë të skuadrës tashmë po shikojnë drejt së ardhmes.
Kohët e fundit është folur shumë për Kylian Mbappé, por realiteti është se “Los Blancos” i kanë shumë të qartë planet e tyre, si atë afatshkurtër ashtu dhe atë afatgjatë.
Florentino Pérez, José Ángel Sánchez dhe Carlo Ancelotti do të përfitojnë nga pausa e ekipeve kombëtare për t’u takuar në Valdebebas.
Të tre personazhet kryesorë të klubit planifikojnë të studiojnë tregun e transferimeve që sapo ka përfunduar dhe pjesën e parë të sezonit.
Në Madrid e kanë shumë të qartë se skuadrës mund t’i mungojë një forcë më shumë në sulm, por merkato nuk ofroi alternativa të përshtatura me realitetin dhe idenë që kanë as drejtuesit e sportit.
Drejtuesit e entitetit madrilen besojnë se kjo skuadër është edhe më e mirë se sezonin e kaluar, me përjashtim të pozicionit të ‘numrit 9’, por edhe kështu ka më shumë mjete që mund ta kompensojnë në mënyrë perfekte këtë mungesë.
Discussion about this post