Trajneri Carlo Ancelotti mendon se edhe sot, sikur vite më parë kur fituan tre trofe të Champions League me radhë, Real Madridi ka mesfushën më të mirë në botë.
Bëhet fjalë për treshen Toni Kroos, Casemiro dhe Luka Modric, që luajnë së bashku që nga viti 2015.
Këta lojtarë kanë fituar shumë me Realin në këto vite të fundit, mbi 10 trofe dhe Ancelotti thotë se është me fat që ende i ka në skuadër. Sipas teknikut, edhe sot ata janë treshja më e mirë në botë.
“A e keni mesfushën më të mirë në botë me Kroos-Casemiro-Modric? Mendoj se po”, -tha Ancelotti në një intervistë për ‘AS’.
Ndër të tjera ai shtoi se këta lojtarë janë më të mirët në botë dhe se janë të jashtëzakonshëm.
“Këta tre, momentalisht e përbëjnë mesfushën më të mirë në botë. Modric, Kroos dhe Casemiro kanë shumë eksperiencë dhe janë shumë të mirë, të jashtëzakonshëm. E mira tjetër është se ata kuptohen shumë mirë mes vete, luajnë shumë mirë së bashku. Kur ata tre janë në fushë, askush nuk mund t’i dali para”, -deklaroi Ancelotti./K.T/Gijotina.com
Discussion about this post