Trajneri i Realit të Madridit, Carlo Ancelotti është i bindur se skuadra nuk do të ketë vështirësi në sulm, pasi golashënuesi Karim Benzema u largua drejt Al Ittihad, në Arabinë Saudite.
“Si do ia dalim pa Benzema? Real Madridi do të ecë gjithmonë përpara. Klubi i mbijetoi largimit të Cristiano Ronaldos, dhe tani po përjeton mungesën e Karimit. Por ne do t’u jemi gjithmonë mirënjohës këtyre lojtarëve”, ka komentuar italiani, i cituar nga mediat pranë klubit 14 herë kampion të Europës.
Transferimi i Benzemas në Al Ittihad të Arabisë Saudite, u njoftua zyrtarisht në fillim të qershorit. Francezi ishte pjesë e “baletit të bardhë” për 14 vite, duke luajtur 647 ndeshje dhe duke shënuar 353 gola.
Gjatë sezonit të kaluar, e cila ishte e fundit e tij në “Santiago Bernabeu”, ai mori pjesë në 23 ndeshje, shënoi 18 gola dhe bëri tre asistime. Ai ishte golashënuesi më i mirë i Real Madridit këtë sezon në La Liga.
Discussion about this post