Real Madrid fitoi derbin ndaj Atletico Madrid dhe pas ndeshjes trajneri Carlo Ancelotti deklaroi: “Kishim një avantazh të dyfishtë dhe u mbrojtëm mirë. Menduam se do të mjaftonte avantazhi, por na mungoi dëshira për të bërë më shumë dëm ndaj kundërshtarit. Mund të kishim sulmuar më shumë.
Rodrygo ishte autori i golit të parë dhe trajneri italian për të tha: “Ai është inteligjent, dallohet nga cilësitë e tij dhe mund të luajë në të gjitha pozicionet. Ai nuk është mësuar të luajë gjatë, por është mjaft inteligjent”.
Fjalë të mira edhe për Fede Valverde, që sërish shënoi gol për Reali: “Për ne ai është një pjesë shumë e rëndësishme. Ai mund të luajë në çdo pozicion të mundshëm të fushës”.
Ancelotti foli edhe për kundërshtarin: “Atletico Madrid është një ekip i shkëlqyer. Ata do të luftojnë deri në fund. Tani asgjë nuk është vendosur. E nisëm mirë, kurse ata e rritën nivelin gradualisht. Gjithçka mund të ndryshojë. Do të jetë një sezon i veçantë”.
Discussion about this post