Real Madridi do të përballet me Athletic Bilbao në stadiumin San Mames këtë të shtunë, teksa ata synojnë të bëjnë gjithçka në kërkim të tre pikëve të para të sezonit, në La Liga. Los Blancos humbën titullin sezonin e kaluar, kështu që ata do të jenë të etur për të bërë një fillim të mirë në këtë sezon.
Carlo Ancelotti pritet që të zbresë në fushë me formacionin 4-3-3 dhe pritet të rreshtojë nga minuta e parë, futbollistët më të fortë në dispozicion. Rodrygo ndoshta do të ketë një shans për të udhëhequr sulmin e Real Madridit në atë që në Spanjë njihet si “El Viejo Clasico”.
Mungesa e madhe, jo vetëm për këtë takim, do të jetë portier belg, Thibaut Courtois, i cili ka dëmtuar ligamentet e gjurit të majtë. Kështu që, nga minuta e parë do të luajë ukrainasi Andrey Lunin. Eder Militao pritet të luajë së bashku me Antonio Rudiger në qendër të mbrojtjes së Real Madridit, ndërsa ata do kërkojnë të mbajnë portën e paprekur nga sulmuesit e Bilbaos gjatë 90 minutave.
Dani Carvajal do të luajë si mbrojtës i djathtë ndërsa David Alaba do ndihmojë edhe sulmet si lojtar i krahut të majtë. Sipas raportimeve paraprake Nacho do të jetë i gatshëm nga pankina.
Në mesfushë, Ancelotti pritet që t’ju besojë Eduardo Camavingas, Aurelien Tchouamenit dhe Federico Valverdes me këta të tre që do përpiqen të diktojnë tempin e lojës në qendër të fushës dhe të orkestrojnë në perfeksion lojën për Los Blancos për të fituar këtë ndeshje.
Luka Modric dhe Toni Kroos do të jenë të gatshëm, për të ndikuar në 45 minutat e dyta nëse do jetë e nevojshme.
Tridenti i sulmit do përbëhet nga Vinicius, i cili do të luajë si sulmues i majtë, ndërsa Jude Bellingham duket të provojë vlerën e tij në krahun të djathtë. “Numri 9” në këtë takim pritet të jetë Rodrygo.
Të tre ata duhet të lidhen mirë me njëri-tjetrin nëse gjigantët madrilen duan të sigurojnë fitoren në La Liga këtë fundjavë.
Brahim Diaz do të jetë i disponueshëm nga stoli, me ish-milanistin, që me rikthimin e tij në Madrid, shpreson që të jetë shumë shpejt një nga lojtarët kyç të klubit mbretëror.
Takimi Athletic Club-Real Madrid, do të starojë në orën 21:30./m.b /gijotina.com
Discussion about this post