Anëtarësimi në NATO i Finlandës dhe Suedisë, Biden firmos dokumentet

Presidenti i Shteteve të Bashkuara të Amerikës,  Joe Biden ka firmosur dokumentet e ratifikimit për të pranuar Suedinë dhe Finlandën në NATO.

Biden tha se SHBA-të janë vendi i 23-të që miratuan zyrtarisht aplikimin për anëtarësim e të dy vendeve, ku të 30 aleatët e NATO-s pritet të miratojnë aplikimet e tyre.

Të dy vendet filluan të kërkojnë anëtarësimin në NATO pas pushtimit rus të Ukrainës në fillim të këtij viti.

“Putin mendoi se mund të na ndajë… të na dobësojë vendosmërinë. Në vend të kësaj, ai po merr pikërisht atë që nuk donte. Ai donte Finlandizimin e NATO-s, por ai po merr NATOizimin e Finlandës së bashku me Suedinë”, tha Biden.