Nesër do të zhvillohet mbledhja e parë e Komisionit Hetimor për zgjedhjet 25 e prillit. Mbledhja do të mbahet në orën 15:00 dhe Komisioni Hetimor do të përbëhet nga 15 anëtarë.
Kryetar i Komisionit do të jetë Enkelejd Alibeaj nga PD dhe zëvendëskryetar Toni Gogu nga PS. Anëtarët nga Partia Socialiste do të jenë Klotilda Bushka, Blerina Gjylameti, Aurora Mara, Klevis Xhoxhi, Nasip Naço, Petro Koçi, Bardhyl Kollçaku. Anëtarët zënendësues nga PS do të jenë Xhemal Qefalia dhe Etjen Xhafaj.
Ndërsa anëtarët nga Partia Demokaritke janë Gazmend Bardhi, Oerd Bylykbashi, Ferdinand Xhaferraj, Ervin Salianji, Kreshnik Çollaku. Pjesë e këtij komisioni do të jetë dhe deputeti i LSI, Petrit Vasili si deputet i pavarur. Anëtarët zëvendësues nga PD do të jenë, Arbi Agalliu dhe Lindita Metaliaj.
Kuvendi ka zbardhur edhe rendin e ditës:
1-Deklarimi i konstituimit të Komisionit Hetimor dhe prezantimi i anëtarëve të tij.
2-Deklarimi i qëllimit të ngritjes së Komisionit.
3-Përcaktimi i detyrave të Komisionit.
4-Shqyrtimi dhe miratimi i Rregullores së brendshme të funksionimit të Komisionit Hetimor.
5-Zgjedhja e Sekretarit të Komisionit.
6-Vlerësimi i të dhënave paraprake, që përbëjnë plan paraprak hetimi dhe deklarimi i hapjes së hetimit.
7-Përcaktimi i mbledhjes së ardhshme të Komisionit.
