Të paktën 19 ushtarë në Angli kanë rezultuar pozitivë në testin e bërë për përdorimin e kokainës.
Mediat angleze shkruajnë, se tanimë, ushtarët po përballen me akuza për konsumimin e lëndëve narkotike në krye të detyrës. Raportohet se batalioni i parë i Yorkshire, kishte konsumuar drogë në shtëpi dhe kazermat e tyre.
“Kjo ka sjellë valë tronditëse në Ushtri. Nëntëmbëdhjetë në një raund të testimit është një numër i madh dhe ngre pyetje shumë serioze. Para bllokimit, regjimenti po testohej çdo disa javë, por ky raund i fundit ishte i pari për një kohë mjaft të gjatë. Kjo i ka lënë shefat absolutisht të tërbuar. Këto janë gjithashtu raste individuale, mërzia është përdorur si një justifikim për përdorimin e drogës”, tha burimi për The Sun.
