Anglia e Gareth Southgate arrin të kualifikohet në gjysmë finale, pasi mundi Zvicrën 5-3, pas ekzekutimit të 11 metërshave. Anglezët u treguan të saktë në të 5-ta goditjet, ndërkohë që për zviceranët fatal ishte gabimi i Akanjit.
Sfida nisi shumë e kujdesshme, me të dyja skuadrat që nuk provuan për asnjë moment të guxonin të ngacmonin portat kundërshtare. Një pjesë e parë që pikërisht për shkak të kujdesit të tepruar të skuadrave, dhuroi shumë pak emocion. 45 minutat e para mbyllen me rrjeta të paprekura dhe me të dyja skuadrat që nuk kanë goditur ende asnjëherë në kuadrat.
Insistimi i zviceranëve u shpërblye në minutën e 75-të, ku pas një lëvizje shumë të mirë të Ndoye, pasimi I tij për Embolo, ishte një lojë fëmijësh për sulmuesin, për ta shtyrë topin drejtë rrjetës me portën e zbrazët.
Por festa e skuadrës së Xhakës zgjati vetëm 5 minuta, pasi sulmuesi Saka, bëri “Saka-n” që jemi mësuar ta shofim tek Arsenal, duke lëshuar një diagonale të bukur që e la të shtangur portierin Yann Sommer, duke barazuar shifrat kështu në 1-1, 10 minuta nga përfundimi i sfidës.
Edhe 30 minutat e shtesës në Dusseldorg nuk prodhuan asgjë, me skuadrat që e mbyllën në barazimin e fiksuar që në kohën e rregullt 1-1. Tashmë për të përcaktuar fituesin do duhej“ruleta ruse” e penalltive.
ANGLI 1-1 ZVICËR (5-3 P)
Saka 80′ / Embolo 75′
115′ Zëvendësim te Anglia. Largohet Foden dhe në vendin e tij futet Alexander-Arnold.
110′ Zëvendësim te Anglia. Largohet Kane dhe në vendin e tij futet Toney.
109′ Zëvendësim te Zvicra. Largohet Embolo dhe në vendin e tij futet Shaqiri.
80′ GOOOL ANGLIA 1-1/ Saka lëshon një gjuajtje nga jashtë zone dhe shkon në rrjetë.
(VIDEO)
78′ Tre zëvendësime te Anglia. Largohen Trippier, Mainoo dhe Konsa, në vendet e tyre futen Shaw, Palmer dhe Eze.
75′ GOOOL ZVICRA 0-1/ Embolo gjen një top në zonë dhe e shtyn drejt rrjetës.
(VIDEO)
FORMACIONET ZYRTARE:
gijotina.com/
Discussion about this post