Trajneri i Anglisë, Gegard Southagte ditën e sotme ka publikuar listën e plotë të lojtarëve të ftuar për përballjet e ardhshme në kuadër të kualifikueseve kundër Shqipërisë dhe San Marinos për Kupën e Botës.
Anglisë i mjafton vetëm një pikë për të siguruar kualifikimin në këtë turne madhor, por duke qëndruar me këmbë në tokë, duhet të pranojmë faktin se ‘Tre Luanët’ do të pretendojnë ti marrin të plota pikët nga këto dy takime.
Përballja e parë e Anglisë është kundër kombëtares ‘Kuqezi’ më 12 nëntor ndërsa e dyta është ajo në transfertë ndaj San Marinos.
Skuadra e Southgate nuk vjen me shumë ndryshime nga formacioni i muajit të kaluar veçse Marcus Rashford që tani hyn në listë, ndërsa dy shokët e tij te Manchester United, Jadon Sancho dhe Jesse Lingard do të mungojnë.
Deri në këtë moment ‘Tre Luanët’ kanë gjashtë fitore, dy barazime dhe asnjë humbje, duke kryesuar grupin me 20 pikë, të ndjekur më pas nga Polonia me 17 pikë dhe me Shqipërinë në vend të tretë me 15 pikë.
Confirming your #ThreeLions squad for November! 👊
— England (@England) November 4, 2021
Discussion about this post