Një grua u paraqit në pikën kufitare sëbashku me dy vajzat e mitura, teksa tentonte të kalonte kufirin.Gjithçka dukej normale, ajo paraqiti një shkresë nga bashkëshorti dhe babai i dy vajzave që autorizonte nënën të kalonte kufirin me fëmijët.
Shkresa e paraqitur ishte e përpunuar në konform me ligjin, por një kontrollë rutinor i policisë në sistemin ‘Tims’, hodhi poshtë tenatativën e gruas për të kaluar kufirin.
Burri i saj dhe babai i dy vajzave ndodhej në burg jashtë Shqipërisë, fakt ky që pamundësonte dhënien e një deklarate noteriale nga ana tij. Mësohet se shtetësja me inicialet E.M., e moshës 30 vjeçe, do të referohet për hetime të mëtejshme për akuzën e falsifikimit të vulave, stampave dhe formularëve.
30-veçarja u paraqit në aeroportin e Rinasit si një pasagjere normale, sëbashku me vajzat e saj të vogla, që sipas ligjit udhëtimi i fëmijëve jashtë kufirit kryhet me dakortësimin e të dy prindërve dhe prindi i cili nuk është prezent gjatë udhëtimit duhet të pajis fëmijët me një akt noterial.
Nëna e dy vajzave kishte si destinacion Nykopingut në Suedi, ndaj ajo paraqiti përveç pasaportës biometrike dhe dokumentet shtesë që nevojiten sipas ligjit kur udhëtimi kryhet me fëmijët nga njëri prej prindërve dhe në mungesë të tjetrit.
Bashkëshorti i 30-vjeçares rezultonte se ishte ekstraduar nga Shqipëria dhe i ishte dorëzuar drejtësisë italiane në datën 21 dhjetor 2020, si një person i shumë kërkuar nga ky shtet.
Bëhet me dije se menjëherë policia ka bllokuar deklaratën noteriale dhe gruaja është shoqëruar në ambientet e komisariatit përkatës.
Pjesë e hetimit do të jetë dhe zyra e noterisë që ka firmosur këtë shkresë, veëprim i cili është në kundërshtim të plotë më ligjin.
Discussion about this post