Anglia ka publikuar listën përfundimtare me 26 lojtarët e saj që do të grumbullojë në Kampionatin Europian 2024. Kombëtarja ishullore shikohet si një nga pretendentet kryesorë, të paktën në letër, që mund ta fitojnë këtë kompeticion.
Southgate ka lënë jashtë listën emra me “peshë”, që shumë herë i ka mbështetur, ku më kryesori është qendërmbrojtësi i “Djajve” të Manchester United, Harry Maguire.
Një tjetër emër me peshë që ngelet jashtë listës është edhe “fantazisti” i “Qytetarëve”, të Manchester City, Jack Grielish.
Ky i fundit nuk ka shumë kohë që është shpallur kampion i Anglisë me skuadrën e Pep Guardiola, dhe gjithashtu ka qenë pjesë e ekipit për Evropianin e shkuar, ku Anglia arriti në finale, po ashtu edhe në Botërorin e Katarit 2022, por kësaj here nuk duket të jetë i nevojshëm për skemat e teknikut anglez.
Portierë: Dean Henderson, Jordan Pickford, Aaron Ramsdale.
Mbrojtës: Lewis Dunk, Joe Gomez, Marc Guehi, Ezri Konsa, Luke Shaw, John Stones, Kieran Trippier, Kyle Walker.
Mesfushorë: Trent Alexander-Arnold, Conor Gallagher, Kobbie Mainoo, Declan Rice, Adam Wharton.
Sulmues: Jude Bellingham, Jarrod Bowen, Eberechi Eze, Phil Foden, Anthony Gordon, Harry Kane, Cole Plamer, Bukayo Saka, Ivan Toney, Ollie Watkins.
Discussion about this post