Komisioni i Ankesave e Sanksioneve, ka marrë vendimin ditën e sotme, që të shtyjë të gjitha seancat e kërkesave ankimore të kërkuar nga Partia Demokratike.
Bëhet fjalë për ankimimet ndaj qarqeve Shkodër, Kukës dhe Lezhë, në të cilat Demokratët nuk pranojnë rezultatin e zgjedhjeve parlamentare të 11 majit dhe kërkojnë përsëritjen e tyre.
Për qarkun e Shkodrës, seanca është shtyrë ditën e hënë, me datë 09.06.2025, në orën 10:30. Për qarkun e Kukësit, do të vijohet seanca ditën e merkurë, me datë 04.06.2025, në orën 16:00. Ndërsa për qarkun e Lezhës, seanca është shtyrë për ditën enjte, me datë 05.06.2025, në orën 15:00.
“Sot, Komisioni i Ankimimeve dhe Sanksioneve vijoi shqyrtimin e tre kërkesave ankimore:
- KA nr. 44, datë 27.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “ 1. Kundërshtimi i Vendimit Nr. 1312, datë 22.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Shkodër, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku –Shkodër. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Shkodër”.
- KA nr. 37, datë 23.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “1. Kundërshtimi i Vendimit Nr. 1309, datë 19.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Kukës, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Kukës. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Kukës”.
- KA nr. 46, datë 28.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “1. Kundërshtimi i Vendimit Nr. 1313, datë 23.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Lezhë, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Lezhë. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Lezhë”.
Shqyrtimi i kërkesave ankimore do të vijojë me seancat e radhës si më poshtë vijon:
• Kërkesa ankimore nr. 44 (Qarku Shkodër) do të shqyrtohet ditën e Hënë, datë 09.06.2025 në orën 10:30.
• Kërkesa ankimore nr. 37 (Qarku Kukës) do të shqyrtohet ditën e Merkurë, datë 04.06.2025, në orën 16:00.
• Kërkesa ankimore nr. 46 (Qarku Lezhë) do të shqyrtohet ditën Enjte, datë 05.06.2025, në orën 15:00“, thuhet në njoftimin e KAS-it.
Kjo është hera e tretë që KAS shtyn seancat e demokratëve.
Kujtojmë se teksa PD-ja nuk pranon rezultatet e zgjedhjeve të 11 majit, disa kandidatë kanë kërkuar rinumërimin e votave, përfshirë Ilir Alimehmeti, Mimoza Hajdarmataj, Lisandër Hoxha dhe Aulon Kalaja. Berisha shprehet se e mbështet në kërkesën e tyre, por fillimisht duhet që të shpallen të pavlefshme zgjedhjet e 11 majit, për të vijuar më pas me ankesat e demokratëve. Sipas tij, mbështetja ndaj kandidatëve që kanë kërkuar rinumërimin do të vijë duke respektuar platformën e përcaktuar nga Partia Demokratike, në përputhje me ligjin elektoral.
Discussion about this post