Deputetët e Partisë Demokratike kanë paraqitur në shkresën e dokumentit zyrtar dërguar kryetares së Kuvendit se anulimi i seancës së datës 13.03.2023 është në shkelje të rëndë të Rregullores së Kuvendit.
Sipas tyre, kjo vendimarrje nuk bëhet sipas dëshirës së kryetares së Kuvendit e se përgjegjësia bie direkt mbi Nikollën. Deputetët deklarojnë se duke marrë vendimin për anulimin e seancës, ajo ka shkelur të drejtën e deputetëve për të përfaqësuar në Kuvend problematikat e zonave të tyre elektorale.
Deputetët e Partisë Demokratike e konsiderojnë anulimin e kësaj seance të datës 13 mars 2023, një akt të rëndë kundër parlamentarizmit dhe një akt anti-kushtetues. Në kërkesën zyrtare të dërguar, ata kërkojnë që zhvillimi i kësaj seance të kryhet normalisht.
Discussion about this post