Vuçiç mirëpret Lajçak në presidencë, flet edhe për Asosacionin

Aleksandër Vuçiç, presidenti i Serbisë, tashmë u takua me të dërguarin e posaçëm të BE-së për dialogun, Mirosllav Lajçak.

Vuçiçi e priti Lajçakun në ndërtesën e Sekretariatit të Përgjithshëm të Presidentit të Republikës.

Një njoftim për shtyp do të dërgohet pas takimit, raporton Kosovo-Online.

Para këtij takimi, Vuçiç kishte thënë se do t’i adresohej qytetarëve serbë para se të shkonte në Ohër.

“Do të jem me të (Lajçakun) sot dhe nesër… për të çarë se çfarë mund të bëjmë. Nëse dikush s’është i gatshëm të bisedojë, e lëre më që ta zbatojë Asociacionin e Komunave Serbe, s’e di se çfarë kuptimi ka e gjithë kjo,” – u shpreh ai.

Kujtojmë se Lajçak kishte vizituar edhe Prishtinën dhe kishte takuar kryeministrin Kurti.