Zhvendosja e festivalit “Sunny Hill” në Tiranë pati polemika të shumta e reagime nga më të ndryshmet. Shumë nga njerëzit u zhgënjyen nga dështimi i festivalit në Kosovë, e nuk munguan as kritikat në drejtim të Qeverisë dhe Komunës së Prishtinës.
“Me anë të këtij njoftimi, me keqardhje dhe dëshpërim të madh, ju lajmërojmë se për shkak të vonesave të shumta të shkaktuara nga mungesa e përgjigjes dhe vendimit përfundimtar për dhënien në shfrytëzim të hapësirës për festivalin, nga ana e MAPL, edicioni i këtij viti i festivalit Sunny Hill nuk do të mund të mbahet në Prishtinë.”
Ky ishte njoftimi që solli më pas shumë reagime. “Sunny Hill Festival” braktis Prishtinën për Tiranën, dhe kjo gjë nuk është pritur aspak mirë nga artistë dhe zyrtarë të Kosovës. Mirëpo në mes të gjithë këtyre reagimeve, edhe Labinot Tahiri ka diçka për të thënë. Në ndryshim nga pjesa tjetër, këngëtari u shpreh i indinjuar për faktin që bëhet gjithë kjo rrëmujë për një festival dhe jo për çështje më madhore në vend.
Ish-deputeti ndër të tjera u shpreh me anë të një postimi në rrjetin social Facebook, që në kaq vite askush nuk ka ngritur një kërkesë për një spital të Leuçemisë në Kosovë dhe po bëjnë anketa për një festival.
“Për gjëra të pa vlera bëjmë sondazhe e poterë veç me atakua qeverinë! E more populli ynë, sot qenkan bërë disa anketa për atë festivalin që shkoi në Tiranë, duke bërë pyetje; se kush është fajtorë për dështimin e atij festivali që iku nga Kosova?! A mundeni me i tregua dikush prej jush kësaj Kosove, se a ka dëgjuar ndonjëri prej jush ndonjëherë, tani e 23 vite , ose a ka parë ndonjë anketë apo kërkesë, për një Spital të Leuçemisë në këtë Kosovë me probleme shumë?!
Mos bëni politikë me një festival ku parat e njëjta shkojnë tek vëllezërit tanë. Ne e dim se, qeveria e Kosovës ka punë më të mençura se sa ai festival, këtë e dim të gjithë. Punë e madhe që nuk ju paska lajmërua qeveria asaj kërkese!
Të çuditshëm jemi ne; kërkojmë punësim e kush nuk ngrihet në këmbë, e në anën tjetër ju ka rrok zavalli i festivaleve!!
Mosni Bacit se kërkah nuk jemi, ama bash kërkah nuk jemi. Labinot Tahiri, Kosovë e Shqipërisë.”
Discussion about this post