Anulohen deri të hënën udhëtimet me linjën Vlorë-Brindisi-Vlorë, ndalohet dhe dalja e mjeteve të vogla

Autoriteti Portual i Vlorës, ka njoftuar se për shkak të motit të keq, duke nisur nga sot (e diel) deri të hënën (24 mars) në ora 22:00, do të anulohet udhëtimi me tragetin e linjës Vlorë-Brindisi-Vlorë. Gjithashtu, në datat 23-25 mars do të ndalohet dhe lundrimi i mjeteve të vogla lundruese dhe atyre të peshkimit.

“Anijet e transportit ndërkombëtar detar për pasagjer dhe automjete në linjën Vlorë – Brindisi – Vlorë, do të anullohet deri në përmirësimin e kushteve hidrometeorologjike detare e cila do të jetë mbas orës 22:00 të datës 24.03.2025”, thuhet në njoftim.