Një ndër akset rrugore më të rëndësishme jo vetëm për zonën, por për të gjithë Shqipërinë i është anuluar rikonstruksioni. Bëhet fjalë për rrugën e Komanit, rreth 32 km e gjatë, që lidh pikat turistike të liqenit të Vaut të Dejës, Komanit, Lumin e Shalës, Thethin, Currajn e Epërm e deri në Gjakovë në Kosovë.
Banorët e 17 fshatrave të cilët kjo rrugë përshkruan së bashku me operatorët turistik të zonës kanë kundërshtuar këtë vendim, ndaj kanë kërkuar një takim me deputetët e zonës dhe kryebashkiakun e Vau-Dejës, Mark Babani. Babani ka qenë i vetmi që ka pranuar takimin me qytetarët, ndërsa deputetët nuk janë shfaqur në takimin e zhvilluar. Kryebashkiaku i Vau – Dejës, e konsideroi absurde ndalimin e rikonstruksionit të këtij aksi rrugor.
Discussion about this post