Zyrat dhe dhomat e zhveshjes të skuadrës së ‘KF Rilindja’ në Kosovë janë djegur. Ky lajm është bërë i ditur nga kreu i klubit, Fadil Gashi në një reagim në rrjetet sociale ku bën me dije se ato janë pushtuar nga flakët gjatë mbrëmjes të së martës.
Më tej Gashi theksoi se dëmet materiale janë të mëdha dhe dyshon se zjarri u shkaktua nga energjia elektrike, por për fat të mirë nuk ka të lënduar.
“Sonte rreth orës 18:30 min, dhomat e zhveshjes dhe zyrat e klubit u pushtuan nga zjarri, fatmirësisht nuk kemi pasoja në njerëz, dëmet materiale janë të konsiderueshme, shkaktar i zjarrit ishte energjia elektrike, falënderojmë Policinë e Kosovës dhe Zjarrfikësat të cilët na erdhën në ndihmë!”, k-shkruan Fadil Gashi në ‘Facebook’./K.T/Gijotina.com
Discussion about this post