Anxhelo Koci publikon bashkëpunimin me Alketën “Shpirto”

Dy emra të njohur të estradës janë bërë bashkë për të sjellë një duet të ri muzikor.

Bëhet fjalë për Anxhelo Kocin dhe Alketën, të cilët sollën këngën që mban titullin “Shpirto”.

Teksti i këngës është shkruar nga Anxhelo, Bardhi dhe Petro, ndërsa edhe për muzikën është përkujdesur vet këngëtari.

Puna për videoklipin iu besua produksionit “Magic Pro”, teksa miksimi dhe masterizimi u bë nga Çelik Lipa.

Të plotë, projektin tashmë e gjeni të publikuar në kanalin zyrtar të produksionit SBS Entertainment.

Dyshja ndërkohë mbesin të angazhuar edhe me të tjera projekte dhe mbrëmje muzikore.