Apartamente dhe llogari bankare, kush janë nënë e bir të cilëve iu sekuestrua pasuria në Vlorë

Ditën e sotme Prokuroria e Vlorës ka sekuestruar dy apartamente dhe llogari bankare me vlerë mijëra euro në pronësi të një nëne dhe djalit të saj. Mësohet se, pasuritë e sekuestruara i përkasin Xhevahire dhe Olti Biraçit.

Sipas njoftimit, sekuestrimet në fjalë janë bërë pasi” Prokuroria pranë Gjykatës së Shkallës së Parë Vlorë, ka regjistruar kryesisht, procedimin penal nr.1264, të vitit 2019, që bën fjalë për veprën penale të parashikuar nga neni 287 i K.Penal “Pastrimi i produkteve të veprës penale ose veprimtarisë kriminale” pas të dhënave të administruara në bashkëpunim me strukturat seksionit kundër krimit ekonomik dhe korrupsionit në Drejtorinë e Policisë së Qarkut Vlorë, ndaj Xhevahire dhe Olti Biraçit”.

Mësohet se, hetimet për këtë procedim penal vijojnë ende dhe pritet që në vijim të publikohen detaje të reja.