Lulzim Basha e lë të hapur mundësinë e ankimit të vendimit të sotëm të Apelit për vulën e PD.
Pasi Apeli i dha vulën e PD-së Sali Berishës, Lulzim Basha ka mbledhur strukturat. Pas një takimi me krerët e degëve mbrëmjen e sotme, Basha tha se në mbledhje është shprehur qëndrimi se vendimi i Apelit është i padrejtë dhe i pa bazuar në ligj.
Ndërsa, shtoi se po shqyrtohet mundësia për rekurs në Gjykatën e Lartë.
“Shqiptarët meritojnë të dinë se si PD dhe demokratët do jenë në gjendje të largojnë këtë qeveri. Nëse vendimet që marrin i shërbejnë kësaj ne do ecim para, por nëse përpiqen të na bëjnë pjesë të alivibive për të mbajtur në këmbë pazare, te ne do gjejnë të njëjtin realitet politik, si në rastin e amnistisë kemi treguar se jemi krah njerëzve.
Bashkë me kolegët e mi, kemi një përgjegjësi ndaj atyre këtë betejë e bëjnë për vlerat e demokratëve, jo për vulë, karrige. Ky është një moment, konspiracionet që u kanë shitur se ky ka qenë bashkëpunim mes Ramës dhe PD, s’ka dhe s’ka patur kurrë. Jemi në një situatë ku duhen marrë vendime serioze. Partneritet ynë është me qytetarët, me drejtësinë e refomuar. Ne do marrim vendimet e duhura”, tha Basha për gazetarët.
“Është standard nuk është retorikë. Ka pasur një ndjesi të përligjur të padrejtësisë së këtij vendimi. Nuk i tremben asgjëje fiktive, as logo, as vula, as karrigia s’të bën demokrat më të mirë dhe qytetar më të mirë. Po është hedhur ideja e rekursit, po konsiderohet. Se ka mendim që vendimi është i padrejtë dhe i pabazuar në ligj. Kauza jonë nuk sjell rreth vetes ushtarë, vemje servilë, ushtria jonë është ushtria e shpirtrave të shqiptarëve”, shtoi ai.
Edhe më herët, ai tha se grupimi i tij do të vijojë betejën politike.
Discussion about this post