Gjykata e Apelit Tiranë ka lënë në burg babain “monstër”, i cili për 3 vite me radhë përdhunoi vajzën e tij. Sipas informacioneve, 51-vjeçari Shkëlqim Isufi nga Kurbini, ka abuzuar me dhunë me vajzën e tij që prej moshës 15-vjeçare. Policia bënte me dije se në 12 korrik 2019 Isufi u arrestua, ku më pas Gjykata e Shkallës së Parë Kurbin, e dënoi me 12 vite burg. Mbi “monstrën” rëndonin akuzat “Marrëdhënie seksuale ose homoseksuale me dhune me te mitur te moshës 14-18 vjeç” dhe “Marrëdhënie seksuale ose homoseksuale me persona në gjini ose nën kujdestari”.
Për shkak të një gjykimi të shkurtuar, atij iu ul 1/3 e dënimit e më pas u dënua me 8 vite burg. Të njëjtin dënim ka lënë në fuqi dhe Gjykata e Apelit Tiranë, e cila nuk ka pranuar kërkesat e 51-vjeçarit për ulje dënimi.
Ngjarja dyshohet se ka ndodhur në Gjermani, në një periudhë kur familjë ishte zhvendosur për azil. Gjithçka nisi pas një lidhje të vajzës me një shtetas në Gjermani, e cila nuk u prit mirë nga i ati.
Vajza, aso kohe 15-vjecare, kishte bërë denoncim në polici në lidhje me abuzimet nga i ati, por miqtë e tij në policia e njoftonin paraprakisht. Denoncimi tërhiqej nga ana e vajzës për shkak të dhunës së vazhdueshme prej të atit.
Më pas, ka pasur një investigim nga ana e emisionit “Fiks Fare’ ku më pas gjithçka u provua, e menjëherë Policia e Shtetit arrestoi “monstrën” nga Kurbini.
