Trajneri i Teutës, Renato Arapi ka folur pas barazimit me Kukësin në “Elbasan Arena”. Ai ka thënë se është i kënaqur me ekipin dhe e cilësoi barazimin rezultat të drejtë. I pyetur për titullin, ai tha se Teuta e dha shëmbullin sezonin ekaluar, kur ishte 11 pikë larg Vllaznisë në fund tëfazës së dytë, megjithatë deklaroi se është e vështirë që Tirana të gabojë.
“Jam i kënaqur me ekipin dhe mënyrën e interpretimit, Kukësi na vendosi në vështirësi në krahun djathtë por ne më pas e rregulluam. Patëm raste, jo se Kukësi nuk pati. Patëm edhe në fund me Akuah, por mendoj se në fund barazimi është rezultat i drejtë.”
Shembullin e kemi nga vjet se kemi qenë 11 pikë larg Vllaznisë në fund të fazës së dytë. Nuk është se varet vetëm nga ne, është shumë e vështirë se duhet të gabojë Tirana, Vllaznia Kukësi. Është e vështirë por do të bëjmë maksimumin.
Duhet të jemi më pragmatistë se me Dinamon në pjesën e parë patëm më shumë raste për të shënuar. Por ndryshe nga ndeshja me Dinamon, kjo ndeshje më ngroh se në pjesën e dytë e kontrolluam. Patëm oshilacione në pjesën e dytë që është normale, por na bën optimist për vazhdimin.
Kukësi është shumë mirë në organizim, menduam ti prisnim në gjysmëfushën kundërshtare dhe të niseshim në kundërsulm, portierin e kishte me porosi që të niste lojën me shpejtësi kur kishte mundësi. E interpretuam mirë, se e dimë që kemi pasur probleme me golat e pësuar dhe ishte shumë e rëndësishme të ruhen ekuilibrat në fushë.”
Ndeshja ndaj Tiranës do të duhej më mirë një barazimin, Sa i përket golave duhet të shënohet më shumë, por kampionati shqiptar i tillë është, krijohen raste por cilësia për të shënuar nuk është ajo që duhet.”
Discussion about this post