Moderatorja e njohur dhe e dashur për publikun, Arbana Osmani këtë periudhë ka vendosur t’i dedikohet plotësisht vetes dhe dëshirave të saj. Moderatorja prej disa ditësh ka vizituar Shtetet e Bashkuara të Amerikës, së bashku me bashkëshortin e saj Eduart Grishajn. Mirëpo çifti mesa duket do të zhvillojë një tur udhëtimesh.
Këtë herë së bashku me familjen e saj dhe gjithashtu me familjen e vëllait të Eduartit, Arbana ka zgjedhur ishujt grek Mykonos për të vazhduar turin e saj të pushimeve. Edhe për këtë udhëtim Osmani i ka mbajtur të informuar ndjekësit, duke postuar shpesh foto e video në rrjetin e saj social Instagram, ku gjithmonë është shumë aktive.
Ndërkohë, në këtë udhëtim ka qenë kunata e Arbanës e cila ka publikuar një fotografi me moderatoren e njohur e cila lë të kuptohet edhe raportin e mirë që ato të dyja kanë më njëra-tjetrën.
Së fundmi, kujtojmë se Arbana Osmani është në pritje të fëmijës së saj të tretë, por kjo shtatzëni nuk e ka penguar aspak për të kaluar pushime speciale në vende të ndryshme të botës.
Discussion about this post