Një ditë pasi kryetari i Bashkisë Kukës, Safet Gjici dha dorëheqje për videon erotike në zyrën e tij, KLSH nisi kontrollin në këtë institucion. Raporti i prodhuar është shembulli që ilustron situatën ku organi më i lartë i auditimit është kthyer në mbulesë dhe mburojë për zyrtarët e shtetit.
Urdhri për auditimin mbante firmën e kryetarit të KLSH, Arben Shehu, i cili autorizonte grupin e inspektorëve për këtë shërbim nga data 20 qershor deri në 4 gusht 2023.
Sipas dokumentit të mëposhtëm që citon Gijotina.com presupozohej që do të bëhej skaneri financiar dhe do të nxirreshin përgjegjësitë për abuzimet. Kujtojmë se biseda e ish-kryetarit Safet Gjici me qytetaren A.K. bënte fjalë edhe për një tender që do t’i jepej si dhuratë (trajtimit të kafshëve të rrugës).
Për hir të së vërtetës, inspektorët kanë gjetur gjurmët e korrupsionit të kryetarit të Bashkisë Kukës. Dokumenti i mëposhtëm tregon se si manipulohen kriteret e tenderëve që të fitojnë kompani të e paracaktuara duke eliminuar konkurrencën.
Ndërkohë, Gjicit i janë gjetur punime publike të pakryera nga kompanitë private fituese të tenderave që kanë marrë pagesat
Me firmën e Gjicit. Vetëm në një rast, KLSH konstatohet shumën e paguar 983 milionë lekë për punë të pakryer në terren. Dokumenti i mëposhtëm mund të vendoset nga SPAK në dosjen e Safet Gjicit.
Në një rast tjetër zbulohen 1.3 miliardë lekë punime të pakryera dhe të paguara nga bashkia Kukës. Kjo është një dëm në buxhetin e shtetit, raportojnë kontrollorët e KLSH. Edhe dokumenti i mëposhtëm mund të përdoret në aktakuzën ndaj Safet Gjicit.
Në dhjetëra raste, Safet Gjici ka firmosur vënien në përdorim dhe hipotekimin e objekteve të ndërtuara jashtë projekteve dhe lejeve të ndërtimit. Vini re dokumentin e mëposhtëm, ku ngarkohet me përgjegjësi kryetari bashkisë Kukës!
Ndërkohë në Kukës vazhdojnë ndërtimet pa leje. Edhe ky dokument ka Safet Gjicin në krye të listës së zyrtarëve përgjegjës.
Deri këtu audituesit e kanë kryer me profesionalizëm detyrën e tyre. Por ku vjen puna tek masat, me sa duket vendos Kryetari i KLSH, Arben Shehu. Nga ky raport, për shkeljet financiare dhe dëmet ekonomike janë dhënë vetëm masa disiplinore: Dy “vërejtje me paralajmërim” për një drejtor dhe një specialist; 10 “vërejtje” për drejtorë, inspektorë dhe specialistë.
Ndaj Safet Gjicit nuk është dhënë ndonjë propozim, s’ka kallëzim penal për shpërdorim detyre, asnjë gërvishtje. Dhe i formuluar në këtë mënyrë, raporti ecën kundër fakteve, madje nuk respekton as perceptimin e publikut për Safet Gjicin.
KLSH në këtë rast i shërben përhapjes së idesë se aty kushte vetëm një skandal erotik dhe jo shpërdorim dhe korrupsion me detyrën.
Kjo është një politikë institucionale e instaluar nga kryetari Arben Shehu menjëherë pas marrjes së detyrës. KLSH është kthyer në një organ rekomandues dhe këshillimor, në vend që të ndihmojë SPAK-un duke kallëzuar zyrtarët e korruptuar.
Kujtojmë se gjatë vitit 2022, KLSH ka konstatuar 1 508 739 000 lekë dëm ekonomik, por përgjegjësit vazhduan të qetë “karrierën” në postet e tyre.
Ndërkaq, KLSH ka referuar pranë Prokurorive të rretheve gjyqësore vetëm 4 kallëzime penale, ku implikoheshin16 zyrtarë.
Kujtojmë se Safet Gjici ndodhet i arrestuar me akuzën “Korrupsioni pasiv i funksionarëve të lartë shtetërorë ose i të zgjedhurve vendorë”, që kufizohet vetëm në marrëdhënien me qytetaren A.K.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post